Në organizim të Federatës së Basketbollit të Kosovës (FBK) sot në Pallatin e Rinisë dhe Sporteve në Prishtinë do të zhvillohen ndeshjet e Superkupës së Kosovës në të dyja konkurrencat.
Me fillim nga ora 14:00 do të përballen Prishtina dhe Bashkimi në konkurrencën e femrave.
Basketbollistet e Prishtinës në edicionin 2017/18 e kanë fituar Kupën e Kosovës, kurse ato të Bashkimit janë shpallur kampione të Kosovës.
Ndërkaq me fillim nga ora 17:00 do të ballafaqohen Z Mobile Prishtina dhe Bashkimi në konkurrencën e meshkujve.
Basketbollistët e Z Mobile Prishtinës në edicionin që e lamë pas e kanë fituar trofen e Kupës, kurse ata të Bashkimit janë shpallur kampion të Kosovës.
Ndeshja në konkurrencën e femrave do të transmetohet drejtëpërdrejtë në kanalin ArtSport 2, kurse ajo në konkurrencën e meshkujve në kanalin ArtSport 1.
