“Stobi Flips Kosova” është sponsor gjeneral i Përfaqësueses së Kosovës U18 në FIBA U18 Kampionatin Evropian, Divizioni C që do të mbahet në Prishtinë prej 22 deri më 29 korrik.
Krahas “Stobi Flips Kosova” Përfaqësuesja U18 në këtë Kampionat do ta ketë përkrahjen edhe të sponsorëve të tjerë si: Kerasan, Missini Sëeets, Spitali Amerikan, Uji Peja, derisa aktiviteti në fjalë është mbështetur edhe nga Komuna e Prishtinës dhe Ministria për Kulturë, Rini dhe Sport.
FIBA U18 Kampionati Evropian, Divizioni C do të filloj të dielën, kurse pjesëmarrëse janë 9 shtete: Kosova, San Marino, Malta, Qipro, Moldova, Armenia, Monako, Irlanda dhe Gjibraltari.
Kosova ndeshjen e parë e ka të dielën me fillim nga ora 19:30 kundër San Marinos në Pallatin e Rinisë dhe Sporteve në Prishtinë.
