Basketbollistet e Prishtinës dhe basketbollistët e Z Mobile Prishtinës janë fitues të Superkupës së Kosovës në basketboll.
Basketbollistet bardhekaltra në luftë për trofeun e Superkupës e kanë mposhtur Bashkimin me rezultat 71:68, derisa në anën tjetër basketbollistët bardhekaltër triumfuan bindshëm ndaj ekipit të Bashkimit me shifrat 88:50.
Ndeshja në mes Prishtinës dhe Bashkimit në konkurrencën e femrave ishte shumë interesante dhe me kthesa të shumta në rezultat, por që në fund ishin prishtinaset ato që e morën lojën në kontroll dhe kështu bën që trofeu i Superkupës së Kosovës të mbetet në Prishtinë.
Medaljet ekipeve pjesëmarrëse në Superkupën e Kosovës ua ndanë kryetari i Komunës së Prizrenit, Mytaher Haskuka dhe Drejtori i Përfaqësueseve të Kosovës, Granit Rugova, derisa trofeun e Superkupës kapitenes së Prishtinës, Ermelinda Shatrit ia dorëzoi Sekretarja e Përgjithshme e FBK-së, Elvira Dushku.
Në anën tjetër në ballafaqimin e Superkupës së Kosovës në konkurrencën e femrave, Z Mobile Prishtina dominoi prej fillimit e deri në fund të takimit dhe kështu triumfoi pa asnjë telashe në përballje me Bashkimin.
Medaljet ekipeve pjesëmarrëse në Superkupën e Kosovës ua ndanë Valton Bilalli anëtar i Bordit të FBK-së dhe Drejtori i Përfaqësueseve të Kosovës, Granit Rugova, kurse trofeun e Superkupës, kapitenit Edmond Azemi ia dorëzoi Valton Bilalli.
