15 Prill 2016
Të dielën do të nis “play-off”-i në Ligën e Parë të Meshkujve me ndeshjet gjysmëfinale, ku do të takohen Rahoveci dhe AS Kastrioti me fillim nga ora 19:00 dhe Drita – Kosova, takim ky që do të luhet nga ora 20:00.
Duhet theksuar se Rahoveci është ekipi i vetëm që në pjesën e rregullt të edicionit nuk e ka regjistruar asnjë humbje dhe nga 20 ndeshje ka realizuar po aq fitore, duke e përmbyllur kështu edicionin në krye të renditjes tabelare dhe për këtë arsye basketbollistët e kësaj skuadre vlerësohen edhe favoritë për t’u shpallur kampionë të Ligës së Parë të Meshkujve.
Skuadrat që shënojnë dy fitore do të plasohen në finale.
