7 Prill 2017
Të dielën me fillim nga ora 17:00 në palestrën "Karagaçi" do të zhvillohet ndeshja e mbetur e xhiros së XIV ndërmjet Pejës dhe Bashkimit.
Këto dy skuadra janë takuar 2 herë gjatë këtij edicioni, një herë në kuadër të gjysmëfinales së Kupës së Kosovës, kur Peja e ka mposhtur Bashkimin, kurse në kuadër të xhiros së VII, Bashkimi e pati mundur Pejën.
Do të thotë se secila prej këtyre dy ekipeve e ka nga një fitore, gjë që dëshmon se rivaliteti në takimin e së dielës pritet të jetë në nivel të lartë.
