Të mërkurën dhe të enjten do të zhvillohen dy ndeshje të play-outit. Njëra ndeshje i takon paly-outit të IP Superligës së Kosovës, kurse tjetra Ligës së Parë.
Sot me fillim nga ora 19:15 në palestrën “Sezai Surroi” në Prizren, Kalaja e pret Borean.
Ekipi prizrenas është në avantazh, pasi në duelin e parë të luajtur në Pejë ka triumfuar me rezultat 93:84.
Prizrenasit tani duhet të mbrojnë këtë avantazh për të siguruar një vend në IP Superligë, kurse në anën tjetër, Borea për të siguruar qëndrimin në elitë duhet të fitoj me minimum 10 pikë epërsi.
Ndërkaq ndeshja tjetër i takon play-outit të Ligës së Parë, ku Prishtina e Re është nikoqire e Don Boskos. Kjo është ndeshja e parë e play-outit dhe do të zhvillohet të enjten me fillim nga ora 11:30 në Pallatin e Rinisë dhe Sporteve në kryeqytet.
