Të mërkurën do të zhvillohen dy ndeshje të tjera të rëndësishme në Sigal Uniqa Ligën Ballkanike (BIBL).
Këto ndeshje i takojnë xhiros së gjashtë të Grupit D në BIBL, kurse do të takohen Peja - Sigal Prishtina me fillim nga ora 19:30 dhe Levski 2014 – Kozuv-i, e cila ndeshje do të luhet në të njëjtin orar.
Tashmë dihet se kampioni aktual i BIBL-it, Sigal Prishtina e ka siguruar një vend në gjysmëfinale, ndërsa tri skuadrat e tjera Peja, Levski dhe Kozuv-i do të luftojnë për një biletë tjetër që i dërgon në TOP 4.
Opsioni 1: Fitorja për Levski-n dhe për Pejën, kualifikohen Sigal Prishtina dhe Peja.
Opsioni 2: Fitorja për Kozuv-in dhe për Pejën, kualifikohen Sigal Prishtina dhe Kozuv-i.
Opsioni 3: Fitorja për Levski-n me së paku 29 pikë dhe për Sigal Prishtinën, kualifikohen Prishtina dhe Levski.
Opsioni 4: Fitorja për Levski-n nën 28 pikë dhe fitorja për Sigal Prishtinën, kualifikohen Prishtina dhe Kozuv-i.
