14 Nëntor 2014
Bordi i FBK-së në mbledhjen e mbajtur më 14.11.2014, pasi shqyrtoi pikate rendit të ditës miratoi këto vendime dhe rekomandime:
- Bordi i FBK-së miratoi marrëveshjet e arritura në parim me Federatën Turke të Basketbollit për bashkë organizim të së paku një kampi profesional për të rinj në vitin 2015, për pjesëmarrje të reprezentacionit të Kosovës në së paku një turne që organizohet nga federata turke dhe për përkrahje të federatës turke për gjyqtarët dhe trajnerët kosovarë.
- Bordi vendosi që anëtari i bordit Arben Fetahu dh Sekretari i Përgjithshëm Leart Hoxha të kryesojnë grupin punues për përgatitjen e aplikacionit për anëtarësim në FIBA.
- Bordi në parim miratoi iniciativën për themelimin e një qendre të performancës së lartë, gjegjësisht një qendre të punës me reprezentacione. Grupi punues për hartimin e projektit do të përbëhet nga: Valton Bilalli – anëtar i bordit, Besim Braha, anëtar i bordit dhe Leart Hoxha – Sekretar i Përgjithshëm.
- Bordi shprehi shqetësimin me ankesat jo zyrtare ose publike në drejtim të gjyqtarëve. Bordi inkurajon Shoqatën e Gjyqtarëve të FBK-së dhe koordinatorin teknik që të vazhdojnë me punë intensive edhe gjatë sezonit me qëllim të përmirësimit të cilësisë së gjykimit në të gjitha ligat.
- Bordi ka revokuar vendimin e vet të mëhershëm për stimulim financiar të trajnerëve të klubeve të femrave dhe vendosi që shumën e mbetur nga mjetet e dedikuara për klubet e femrave nga MKRS (nga 1,500€) për secilin klub t’ua shpërndajë klubeve për transport, ushqim dhe pajisje sportive. Bordi në rikujton se klube te femrave i ka mbështeturt edhe më herët me përkrahje financiare (nga 500€) dhe me pajisje sportive (topa dhe uniforma sportive).
- Bordi mirëpret ftesën e Zyrës së BE-së në Kosovë për një takim ndëmrjet zyrtarëve të BE-së, Komunës së Mitrovicës dhe FBK-së, të iniciuar nga FBK-ja, me qëllim të sqarimit të situatës rreth renovimit të Palestrës së Sporteve Minatori në Mitrovicë.
