Në mbledhjen e Bordit të FBK-së të udhëhequr nga Kryetari Erolld Belegu, ku morrën pjesë edhe nënkryetari Shaqir Totaj si dhe anëtarët e Bordit: Valdet Spahija, Kimete Haliti, Linda Shala, Bekim Dugolli, Besim Braha, Arben Fetahu, Arben Fondaj dhe Valton Bilalli, Bordi u informua për zhvillimet e fundit në basketbollin e Kosovës dhe u morrën këto vendime.
-
Marrëdhënia e punës me personelin e FBK-së të sanksionohet nëpërmjet kontratave ku definohet përshkrimi i vendeve të punës për personelin e FBK-së si dhe obligimet e të drejtat e tyre.
-
Bordi aprovoi përshkrimin e vendit të punës dhe koston për angazhimin e trajnerit amerikan Chris Dial i cili do të udhëheqë punën me kategori të reja Kosovë.
-
Bordi aprovoi që platformën e diskutimit dhe materialet që do ti paraqiten FIBA-s në takimin me krerët e FIBA-s më 5 shkurt, ku FBK-ja përfaqësohet nga Erolld Belegu - Kryetar, Arben Fetahu – Anëtar i Bordit dhe Leart Hoxha – Sekretar i Përgjithshëm.
-
Bordi konstatoi klubet janë me rregull duke kryer obligimet ndaj FBK-së. Për monitorim më të mirë të punës së gjyqtarëve, Bordi autorizoi anëtarin e vet Valdet Spahija që së bashku me Komesarin e Garave dhe Koordinatorin për Referim të monitorojnë punën e gjyqtarëve nëpërmjet analizave të raporteve dhe xhirimeve
-
Bordi kërkon nga Sekretari i Përgjithshëm dhe administrata e FBK-së të përgatisin raportin financiar për vitin 2014 brenda javës së ardhshme.
-
Bordi miratoi vendimin e Komesarit të Garave që ndeshja çerekfinale e IPKO Kupës së Kosovës ndërmjet Golden Eagle Yllit dhe Kosova e Re Bashkimit të zhvillohet në terminin 11/12 shkurt 2015 kurse çerekfinalet tjera dhe turneu final në datat e parapara, në javën e fundit të shkurtit.
-
Bordi miratoi propozimin e SHGJFBK-së për inkuadrimin në listën e gjyqtarëve të gjyqtarin Albert Caka.
