7 Prill 2019
Sot në palestrën "Mizahir Isma" në Rahovec janë zhvilluar finalet e Kupës së Kosovës në kategorinë U16 dhe U18 në konkurrencën e meshkujve.
Në kategorinë U16 fitues i Kupës së Kosovës është shpallur Vushtrria Basket, pasi në finale e ka mposhtur Borean me rezultat 68:59, derisa MVP i finales U16 është shpallur basketbollisti Albion Imeri.
Ndërkaq në finalen e kategorisë U18, trofeun e Kupës së Kosovës e ka fituar Kerasan Prishtina, e cila e ka mundur Borean në një ndeshje mjaft dramatike dhe me plot kthesa në rezultat. Takimi ka përfunduar me shifrat 87:86.
MVP i finales së U18 është shpallur lojtari i Kerasan Prishtinës, Donat Rexhepi, i cili ishte më i merituari për fitoren e skuadrës së tij.
