Në këtë fundjavë, më saktësisht të shtunën në program është xhiroja e dytë e Ligës së Kadeteve (U-16) në konkurrencën e femrave.
Në kuadër të Grupit A ndeshjet do të zhvillohen në palestrën e sportit “Bashkimi Selishta-Petriti”, ku Vushtrria Basket do të përballet me nikoqirin Dritën, kurse Kastrioti do ta sfidoj Prishtinën, derisa ekipi i dytë nga Gjilani, United Basket do të ballafaqohet me Trepçën.
Ndërkaq organizatore e turneut të xhiros së dytë në Grupin B është skuadra e Penzës nga Peja. Në “Karagaçi” të shtunën Junior 06 nga Prizreni do të takohet me Penzën, ndërsa Kalaja nga Prizreni do ta sfidojë rivalin lokal, New Basket.
E shtunë/Gjilan
Grupi A
Vushtrria Basket – Drita 10:00
Kastrioti – Prishtina 11:30
Trepça – United Basket 13:00
E shtunë/Pejë
Grupi B
Junior 06 – Penza 10:00
Kalaja – New Basket 11:30
