5 Tetor 2019
Golden Eagle Ylli ka shënuar fitore ndaj Trepçës me rezultat 90:80 (25:21, 16:24, 29:17, 20:18), në kuadër të xhiros së tretë të Superligës së Kosovës në basketboll.
Kjo ishte fitorja e tretë për therandasit nga tri ndeshje të zhvilluara, derisa humbja e dytë për mitrovicasit nga dy takime.
Ndeshja në Therandë ka qenë interesante me mysafirët që fituan çerekun e dytë 16:24, por vendësit fituan atë të tretë 29:17, që u ndihmoi të shënojnë fitoren e tretë këtë edicion. Çereku i parë dhe ai i fundit ishin më të barabartë.
Dyshja e Kosovës, Valon Bunjaku dhe Samir Zekiqi u dalluan për vendësit me 20, përkatësisht 18 pikë, derisa Alante Fenner shtoi 16.
Te Trepça u dallua Aj Hensy me 31 pikë, pesë kërcime dhe pesë asistime.
