Bashkimi ka shënuar fitore në derbin lokal ndaj Ponte Prizrenit në kuadër të xhiros së XXIV në Superligën e Kosovës në basketboll. Në “Sezai Surroi” takimi ka përfunduar me rezultat prej 84:91 (20:24, 13:29, 26:19, 25:19).
Më të dalluarit te Bashkimi ishin Jordan Capps me 26 pikë, 6 kërcime dhe 4 asistime, Drilon Hajrizi me 15 pikë, 9 kërcime dhe 8 asistime dhe Michael Martin me 15 pikë, 3 kërcime dhe 3 asistime.
Në anën tjetër, të Ponte Prizreni Malcolm Canada ishte me i dalluari me 25 pikë, 11 kërcime dhe 8 asistime.
Në kuadër të kësaj xhiroje, Z Mobile Prishtina e ka mposhtur Borean me rezultat të thellë 128:52. Koshashenuesi më i mire ishte Mergim Jakupi me 29 pikë, i ndihmuar nga Meriton Ismaili i cili shenoi 28 pikë.
Te Borea me i dalluari ishte Genc Matoshi me 15 pikë dhe 8 kërcime.