17 April 2019
Ndeshja e dytë finale e play-offit në Ligën e Femrave në basketboll ndërmjet Prishtinës dhe Bashkimit do të luhet sot me fillim nga ora 19:30 në palestrën "1 Tetori" në Prishtinë.
Basketbollistet prizrenase janë ato që udhëheqin në seri 1:0 pas triumfit në fundjavën që e lamë pas.
Skuadra që shënon tri fitore do të shpallet kampione e Kosovës për edicionin 2018/19.
Kampione në fuqi janë basketbollistet e Bashkimit, derisa Prishtina në këtë edicion është stolisur me trofeun e Kupës së Kosovës.
Kjo ndeshje do të transmetohet direkt në platformën ArtMotion.