27 November 2014
Ekipi kroat i ABA ligës Cibona ka mposhtur Sigal Prishtinën me rezultat 91:71 në ndeshjen miqësore të zhvilluar në Prishtinë. Cibona, edhe pse në këtë ndeshje nuk u paraqit me përbërjen e vet të plotë, ishte ekip më i mirë se kampioni aktual i Kosovës që nga çereku i dytë (çereku i parë përfundoi 22:23) e tutje.
Tek kampioni aktual i Kosovës, lojtari më i mirë ishte Dardan Berisha me 32 pikë të shënuara, kurse tek kampioni aktual i ABA ligës, Jerrel Blasingame me 15 pikë ishte lojtari më efikas.
Sigal Prishtina në fundjavë zhvillon ndeshje me Kosova e Re Bashkimin në kuadër të xhiros XI të ETC Superligës.