“Final Four”-i i kadeteve të reja (U-16) do të zhvillohet këtë fundjavë në Prishtinë, në lagjen “Marigona Residence” me ndeshjet gjysmëfinale dhe ato finale që do të luhen të shtunën dhe të dielën.
Të shtunën në gjysmëfinalen e parë, e cila do të zhvillohet me fillim nga ora 14:30 do të përballen KB Vushtrria Basket – KB Kalaja, kurse ndeshja e dytë gjysmëfinale do të luhet duke filluar nga ora 16:30, ku do të takohen KB Riinvest Prishtina – KB Penza.
Të dielën me fillim nga ora 14:00 do të luhet ndeshja për vend të tretë, kurse me fillim nga ora 16:00 do të zhvillohet finalja e madhe.
Ndërkaq të shtunën dhe të dielën me fillim nga ora 10:00 në lagjen “Marigona Residence” në Prishtinë do të zhvillohen ndeshjet për mesin e tabelës.
Në ndeshjen e parë do të përballen KB Trepça – KB Junior 06, kurse në ndeshjen e dytë me fillim nga ora 11:15 do të takohen KB Kastrioti-KB Kalaja.