Xhiroja e IV-të në Superligën e Kosovës në basketboll do të nis të shtunën me përballjen ndërmjet Lipjanit dhe Borea që do të zhvillohet me fillim nga ora 15:00 në palestrën e sporteve “13 Qershori” në Suharekë.
Ndërkaq po të shtunën do të luhet edhe një tjetër ndeshje, ajo në kryeqytet në mes Z Mobile Prishtinës dhe Bashkimit që do të filloj në ora 20:00 në palestrën e vogël të Pallatit të Rinisë dhe Sporteve në Prishtinë.
Të dielën janë në program dy takime të tjera, i pari në Prizren, e që vlerësohet edhe ndeshja më interesante e kësaj xhiroje, ndërmjet Ponte Prizrenit dhe Golden Eagle Yllit. Ndeshja do të filloj në ora 17:00 në palestrën “Sezai Surroi” në Prizren.
Takimi i fundit i kësaj xhiroje do të zhvillohet në Mitrovicë në mes Trepçës dhe Rahovecit në ora 19:00.
Superliga e Kosovës/Xhiroja e IV-të
E shtunë
Lipjani – Borea 15:00 (ArtSport1)
Z Mobile Prishtina – Bashkimi 20:00 (ArtSport1)
E diel
Ponte Prizreni – Golden Eagle Ylli 17:00 (Klan Kosova)
Trepça – Rahoveci 19:00 (ArtSport1)