Dueli i paraparë të zhvillohet të enjten ndërmjet të fundit dhe të parit në tabelë, pra Kastriotit e Sigal Prishtinës do të luhet të mërkurën, dhe jo në Ferizaj, por në kryeqytet. Ky ndryshim është bërë me kërkesën e drejtuesve të klubit të Prishtinës dhe me marrëveshje me ata ferizajas, për shkak se bardhekaltrit janë në vlugun e përgatitjeve për ndeshjen e parë finale të Ligës Ballkanike (BIBL), të cilën do ta luajnë të martën e 21 prillit në kryeqytet.
Në këtë mënyrë Prishtina është nikoqire e Kastriotit dhe ky takim do të zhvillohet sonte me fillim nga ora 19:30. Njëherësh kjo është ndeshja e fundit e edicionit të rregullt dhe ky takim pritet të jetë një formalitet para përfundimit të edicionit të rregullt në elitën e basketbollit kosovar.