Të shtunën duke filluar nga ora 20:00 në “Karagaçi” të Pejës, Penza është nikoqire e Prishtinës në ndeshjen e tretë finale të play-off-it në Ligën e Femrave.
Basketbollistet pejane patën shënuar fitore në duelin e parë të luajtur si vendase, kurse më pas prishtinaset e bënë të njëjtën gjë në kryeqytet dhe kështu tashmë gjithçka ka mbetur të zgjidhet të shtunën në Pejë.
Duhet theksuar se Penza eshtë favorite karshi Prishtinës, duke marr parasysh bilancin në mes këtyre dy skuadrave, ku pejanet 4 herë i kanë mposhtur bardhekaltrat në këtë edicion, derisa këto të fundit ia kanë dal ta bëjnë një gjë të tillë vetëm 1 herë.
Penza në këtë edicion e ka fituar trofeun e Ipko Kupës së Kosovës, kurse Prishtina është kampione në fuqi e elitës së basketbollit femëror në vendin tonë.