Novak uron Belegun

Drejtori I FIBA Evropës Kamil Novak ka dërguar një telegram urimi me rastin e rizgjedhjes së Erold Belegut në postin e Kryetarit të Federatës së Basketbollit të Kosovës.

Në urimin e z. Novak, i cili ka zyrtari më i lartë i FIBA Evropës që ka vizituar Kosovën, ndër të tjera thuhet:
“Nëpërmjet kësaj letre dua që zyrtarisht të ju uroj për rizgjedhjen edhe për një mandat katër vjeçar. I gëzohem vazhdimit të bashkëpunimit të ngushtë me federatën tuaj në vitet që po vijnë, në të mirë të basketbollit në Evropë.

Iu lus që të mos hezitoni të na kontaktoni nëse ka diçka që mund të bëjmë për të ndihmuar federatën tuaj”.

Rizgjedhjen e Erolld Belegut në krye të FBK-së për ciklin katër vjeçar 2016 – 2020 e kanë përshëndetur dhe ruuar shumë federata nga Evropa dhe kontinentet tjera dhe institucione sportive vendore e ndërkombëtare.