20 March 2015
Peja ka arritur t’i shkaktojë humbjen e dytë të stinorit Sigal Prishtinës, duke e mposhtur me rezultat 82:79, në derbi në Karagaç.
Peja nisi shumë mirë ndeshjen duke krijuar epërsi prej 8 pikëve në fillim të ndeshjes, mirëpo hyrja e Julian Mavungas në lojë, i cili me treshet e tij, bëri që Prishtina të shkojë në pushim me epërsi prej 6 pikëve.
Në çerekun e tretë rezultati ishe baraz, ndërsa çereku i fundit filloi me epërsi prej 3 pikëve për Sigal Prishtinën. Dy minuta para përfundimit të takimit, Wise del në skenë dhe ia mundësoi Pejë’s fitoren.
Lojtarët më efikas të Pejës ishin Nic Wise me 32 pikë dhe Jozo Brkic me 17 pikë. Ndërsa, për Sigal Prishtinën lojtarët më efikas ishin Bojan Trajkovski me 23 pikë dhe Julian Mavunga me 21 pikë.