17 April 2016
Basketbollistet e Prishtinës e kanë nisur me këmbë të mbarë “play-off”-in pasi në ndeshjen e parë gjysmëfinale të zhvilluar të dielën mbrëma në kryeqytet kundër Trepçës kanë shënuar fitore me rezultat 74:47.
Ndeshja e kthimit do të luhet në mesjavë në Mitrovicë, ndërsa skuadra që shënon dy fitore renditet në finale. Prishtina është kampione në fuqi e Kosovës.
Ndërkohë “play-off”-i ka startuar edhe në Ligën e Parë të Meshkujve, ku në ndeshjet e para gjysmëfinale kanë triumfuar Rahoveci ndaj AS Kastriotit (100:68) dhe Drita kundër Kosovës (88:71). Duelet e kthimit do të zhvillohen në mesjavë.