Të dielën në palestrën “Minatori” të Mitrovicës do të zhvillohen dy finalet e Kupës së Kosovës në basketboll.
Me fillim nga ora 16:30 do të luhet finalja në konkurrencën e femrave, ku takohen Penza nga Peja dhe Penti Prishtina. Skuadra pejane është fituese e Kupës për edicionin paraprak.
Finalja e meshkujve do të zhvillohet duke filluar nga ora 19:30 dhe do të përballen Sigal Prishtina – Peja.
Në gjysmëfinale Sigal Prishtina ishte më e mirë se Trepça, kurse Peja triumfoi ndaj Bashkimit.
Finalja e madhe pritet të sjell basketboll cilësor, ku padyshim se akterët e ndeshjes do të përkujdesen që të gjithë adhuruesit e basketbollit të kënaqen me lojën që ata do ta shfaqin në parket.
Sigal Prishtina dhe Peja janë takuar edhe në finalen e në edicionit të kaluar të Kupës së Kosovës që është luajtur në kryeqytet, ku fitore vetëm në sekondat e fundit patën shënuar bardhekaltrit.
Pikërisht kjo është një tjetër arsye që na shtynë të besojmë se do të kemi rastin të shohim rivalitet të madh dhe luftë të madhe për çdo topë.
Peja që nga viti 1991 e deri më 2016 i ka fituar gjithsej 5 trofe të Kupës, kurse Sigal Prishtina ka arritur që 11 herë të stoliset me këtë trofe.
Ndërkaq në konkurrencën e femrave që nga paslufta është skuadra e Prishtinës (ish-Universiteti) që ka rrëmbyer më së shumti trofe të Kupës. Prishtinaset kanë arritur që 8 herë të stolisen me Kupë, kurse Penza e ka bërë një gjë të tillë 6 herë.
Fituesit e Kupës së Kosovës ndër vite:
Meshkujt
1991/92 Vëllaznimi
1992/93 Trepça
1993/94 Peja
1994/95 Peja
1995/96 Vëllaznimi
1996/97 Peja
1997/98 – garat janë ndërprerë
1999/2000 Trepça
2000/01 Bashkimi
2001/02 Prishtina
2002/03 MEB Prishtina
2003/04 Trepça
2004/05 Sigal Prishtina
2005/06 Sigal Prishtina
2006/07 Sigal Prishtina
2007/08 Sigal Prishtina
2008/09 Sigal Prishtina
2009/10 Sigal Prishtina
2010/11 Peja
2011/12 Trepça
2012/13 Sigal Prishtina
2013/14 Sigal Prishtina
2014/15 Peja
2015/16 Sigal Prishtina
2016/17 ?
Femrat
1997/98 Bashkimi
1999/2000 Universiteti
2000/01 Universiteti
2001/02 Universiteti
2002/03 Universiteti
2003/04 Universiteti
2004/05 Universiteti
2005/06 Universiteti
2006/07 Bashkimi
2007/08 Bashkimi
2008/09 Bashkimi
2009/10 Penza
2010/11 Penza
2011/12 Penza
2012/13 Penza
2013/14 Penza
2014/15 Prishtina
2015/16 Penza
2016/17 ?