23 May 2015
Basketbollistët e rinj të Sharrcem Prishtinës sot janë shpallur kampionë të TEB Ligës së Kadetëve për edicionin 2014/15.
Bardhekaltrit këtë trofe e kanë fituar pasi që e kanë mposhtur Vëllaznimin e Gjakovës edhe në ndeshjen e dytë finale të “play-off”-it.
Në ndeshjen e zhvilluar të shtunën në Gjakovë ka triumfuar Sharrcem Prishtina me rezultat 75:70, kurse në takimin e luajtur një ditë më parë (të premten) në kryeqytet, fitore gjithashtu patën shënuar prishtinasit, me shifrat 75:72.