Të shtunën, ora 17:00 Trepça vs AS Prishtina

12.12.2020 SUPERLIGA
12.12.2020 SUPERLIGA
13.12.2020 SUPERLIGA
12.12.2020 SUPERLIGA FEMRAT
13.12.2020 SUPERLIGA FEMRAT
13.12.2020 SUPERLIGA FEMRAT

Sigal Prishtina e mbylli edicionin me kurorën e trefishtë

  • Sigal Prishtina e mbylli edicionin me kurorën e trefishtë
23 May 2016

Sigal Prishtina është shpallur kampione e Kosovës për edicionin 2015/16 pasi në fundjavë e ka mposhtur Pejën në ndeshjen e pestë finale të “play-off”-it në Superligën e Kosovës.

Takimi i luajtur në “Karagaçi” në prani të rreth 3000 shikuesve dhe në një atmosferë fantastike ka përfunduar me shifrat 70:65 (3:2).

Ndeshja ka qenë e baraspeshuar prej minutës së parë e deri në atë të fundit, kur edhe është përcaktuar fituesi i këtij dueli, por edhe i gjithë edicionit.

Kupën kapitenit të skuadrës fituese, Edmond Azemit ia ka dorëzuar Ministri i Sportit, Kujtim Shala, ndërsa medaljet ekipeve finaliste ua kanë ndarë kryetari i Federatës së Basketbollit të Kosovës (FBK), Erolld Belegu, sekretari i përgjithshëm, Leart Hoxha, nënkryetari, Shaqir Totaj dhe anëtari i Bordit, Arben Fetahu.

Për Sigal Prishtinën ky është titulli i tretë radhazi, kurse i 11-ti që nga paslufta.

Pesë ndeshjet finale të “play-off”-it kanë qenë të ndjekura në dy palestrat në Prishtinë dhe Pejë nga mbi 15 mijë shikues, ndërsa të gjitha takimet kanë qenë të transmetuara drejtëpërdrejtë në televizonet përkatëse, SuperSport Kosova dhe RTV 21.

Ajo që vlen të përmendet është fakti se Sigal Prishtina, krahas titullit të kampionit të Kosovës në këtë edicion, e ka fituar edhe trofeun e Ipko Kupës së Kosovës dhe titullin në Sigal Uniqa Ligën Ballkanike (BIBL).

Duhet theksuar se përveç Sigal Prishitinës në konkurrencën e meshkujve që është shpallur kampione e Kosovës, Prishtina e ka fituar titullin edhe në konkurrencën e femrave dhe pikërisht duke  e mposhtur në finale ekipin nga Peja, Penzën me seri 2:1.

 

Rezultatet e pesë ndeshjeve finale të “play-off”-it :

Peja – Sigal Prishtina 77:76

Sigal Prishtina – Peja 71:64

Peja – Sigal Prishtina 66:63

Sigal Prishtina – Peja 80:55

Peja – Sigal Prishtina 65:70