2 May 2018
Ndeshja e tretë finale e play-offit në Ligën e Femrave do të zhvillohet të enjten me fillim nga ora 17:30 në palestrën e sporteve "Karagaçi" në Pejë, ku do të takohen Penza dhe Bashkimi. Basketbollistet prizrenase janë ato që janë duke udhëhequr në seri 2:0 dhe në rast fitoreje atëherë do të shpallen kampione të Kosovës.
Kampione në fuqi është Penza, kurse fituese e Kupës së Kosovës për edicionin 2017/18 është skuadra e Pro Bet Prishtinës.