Federata e Basketbollit e Kosovës (FBK) do të mbajë grumbullimet e radhës për Përfaqësuesen e gjerë të U-16 dhe atë të U-18 në konkurrencën e meshkujve, ndërsa do të organizoj edhe një tjetër kamp përzgjedhës për grupmoshën U-14. Grumbullimet dhe kampi përzgjedhës do të mbahen të shtunën (31.10.2015) në palestrën e sportit të gjimnazit “Sami Frashëri” në Prishtinë. Për orarin e saktë të grumbullimit FBK do t’ju njoftojë ditën e enjte.
Ndërkaq FBK do të vazhdojë me kampet përzgjedhëse në konkurrencën e femrave për grupmoshat U-14 dhe U-16, ndërsa me U-18 do ta mbaj grumbullimin e tretë.
Me vajzat, kampet përzgjedhëse dhe grumbullimi do të mbahen të dielën (01.11.2015) po ashtu në palestrën e sportit të gjimnazit “Sami Frashëri” në Prishtinë, kurse për orarin e saktë të grumbullimit FBK do t’ju njoftojë ditën e enjte.
Duhet theksuar se këto aktivitete do të udhëhiqen nga koordinatori i FBK-së për gjenerata të reja, trajneri amerikan Chris Dial, i cili do të asistohet nga trajnerët vendorë në të dyja konkurrencat.