Në xhiron e XX të Superligës së Kosovës në basketboll ndeshja më interesante do të zhvillohet të shtunën në Mitrovicë, ku Trepça është nikoqire e Sigal Prishtinës me fillim nga ora 18:00 në palestrën “Minatori”. Së fundi këto dy skuadra janë ballafaquar në kuadër të gjysmëfinales së Kupës së Kosovës, ku fitore pati regjistruar ekipi nga kryeqyteti, që në fund edhe u stolis me këtë trofe.
Ndërkaq të shtunën në Gjakovë, Rahoveci është nikoqir i Bashkimit, takim ky që do të luhet duke filluar nga ora 17:00.
Të dielën në program është vetëm një ndeshje ajo në mes Golden Eagle Yllit dhe Kerasan Prishtinës. Kjo ndeshje do të zhvillohet me fillim nga ora 18:00 në palestrën "13 Qershori" në Therandë.
Duhet theksuar se dueli Peja-Vëllaznimi i kësaj xhiroje është luajtur të enjten në “Karagaçi”, ku verdhezinjtë kanë triumfuar me shifrat 135:91.