25 October 2016
Basketbollistët e Trepçës pas fitores ndaj Karpos Sokoli 2000 në palestrën “Minatori” në kuadër të xhiros së dytë të Grupit B në Sigal Uniqa Ligën Ballkanike (BIBL) do të kërkojnë që të vazhdojnë me serinë e fitoreve në Kavadarci të Maqedonisë kur do të ballafaqohen me ekipin e Feni Industries.
Kjo ndeshje i takon xhiros së tretë në BIBL dhe do të luhet me fillim nga ora 19:00.
Në dy takimet e para në Ligën Ballkanike, mitrovicasit kanë bilanc prej një fitore e një humbje, kurse maqedonisit kanë regjistruar një humbje dhe një fitore.
Trepça ka pësuar disfatë nga Tirana, kurse e ka mundur Karpos Sokoli-n, derisa Feni Industries është mposhtur nga Peja dhe ka triumfuar ndaj Tiranës.