Të dielën në Prizren është zhvilluar turneu i dytë U14 në konkurrencën e femrave.
Ndeshjet Junior 06 - Kastrioti dhe Kerasan Prishtina - Peja DT, kanë dhuruar lojë të bukur dhe atraktive, derisa vashat e reja kanë shfaqur aftësitë e tyre në basketboll dhe kanë treguar dëshirën e madhe për të luajtur basketboll.
Turneu fillimisht është mbajtur në Ferizaj, derisa do të vazhdojë edhe në qytetet tjera të Kosovës.
Ky turne organizohet nga Federata e Basketbollit e Kosovës (FBK), derisa mbështet nga Sports Diplomacy nga Shtetet e Bashkuara të Amerikës nëpërmjet programit "GSMP-Global Sports Mentoning Program”, Ministria për Kulturë, Rini dhe Sport e Kosovës, FIBA Europe dhe nga Korporata “Rugove”.
Turneu zhvillohet nën moton e kampanjës së FIBA Europe Girls Program, "Her World, Her Rules".