Koordinatori i gjeneratave të reja në Federatën e Basketbollit të Kosovës (FBK), trajneri amerikan Chris Dial i ka ftuar në grumbullimet e radhës Përfaqësuesen e gjerë të U-16 dhe atë të U-18 në konkurrencën e meshkujve. Grumbullimet do të mbahen të shtunën (17.10.2015) në palestrën e sportit të gjimnazit “Sami Frashëri” në Prishtinë.
Për orarin e saktë të grumbullimit Federata e Basketbollit të Kosovës (FBK) do t’ju njoftojë ditën e enjte.
Ndërkaq Dial ka vendosur që të vazhdojë me kampet përzgjedhëse në konkurrencën e femrave për grupmoshat U-14 dhe U-16, ndërsa me U-18 do ta mbaj grumbullimin e dytë.
Me vajzat, kampet përzgjedhëse dhe grumbullimi do të mbahen të dielën (17.10.2015) po ashtu në palestrën e sportit të gjimnazit “Sami Frashëri” në Prishtinë, kurse për orarin e saktë të grumbullimit FBK do t’ju njoftojë ditën e enjte.