Derbi i xhiros së tetë në Ligën e Parë të Meshkujve i zhvilluar të dielën në palestrën "Shani Nushi" në Gjakovë ndërmjet Vëllaznimit dhe Istogut ka përfunduar me fitore të skuadrës gjakovare me rezultat 93:81 (26:19, 35:22, 15:18, 17:22).
Më të dalluarit te Vëllaznimi ishin Atik Koshi me 31 pikë, 7 kërcime e 7 asistime, Robert Claypool me 18 pikë e 6 kërcime, Ardit Memqaj me 14 pikë e 8 kërcime dhe Driton Rraci me 11 pikë e 5 kërcime.
Te Istogu më efikasit ishin Diamant Shabani me 37 pikë, 16 kërcime e 5 asistime dhe Ardit Pepaj me 27 pikë.
Ballafaqimi i luajtur ndërmjet Feronikelit dhe Don Boskos ka përfunduar në favor të nikoqirëve me shifrat 83:76 (23:17, 28:20, 11:18, 21:21).
Arti Hajdari me 27 pikë, 4 kërcime e 5 asistime e udhëhoqi Feronikelin deri te fitorja, kurse Mustafë Merovci ka shtuar 24 pikë e 9 kërcime dhe Sami Hajzeri ka kontribuar me 15 pikë, 3 kërcime e 7 asistime.
Te Don Bosko më efikasit ishin Kreshnik Muqolli me 19 pikë e 4 kërcime, Ermir Gashi me 18 pikë e 11 kërcime dhe Rron Kurti me 16 pikë.
Prishtina e Re ka triumfuar në përballje me Kerasan Prishtinën me rezultat 113:81 (13:20, 34:24, 35:21, 31:16).
Më të merituarit për fitoren e Prishtinës së Re ishin Dion Haxhosaj me 34 pikë e 13 kërcime, Andi Spahiu me 23 pikë dhe Luftim Cikaqi me 20 pikë.
Te Kerasan Prishtina më efikasit ishin Endrit Berisha me 20 pikë e 8 kërcime dhe Donat Rexhepi me 26 pikë.
Ndërkohë Vushtrria u tregua skuadër më e mirë se United Basketball ndaj të cilës triumfoi me shifrat 96:52 (23:21, 22:9, 33:14, 18:8).
Më të dalluarit te ekipi fitues ishin Arton Hyseni me 31 pikë e 5 kërcime, Baton Dervishi me 21 pikë, 3 kërcime e 5 asistime dhe Mendrit Ademi me 19 pikë, 3 kërcime e 4 asistime.
Te United Basketball më efikasit ishin Laurant Ibrahimi me 20 pikë, 3 kërcime e 5 asistime dhe Veron Iseni me 14 pikë e 7 kërcime.