Golden Eagle Ylli e pret Ponte Prizrenin në palestrën sportive “13 Qershori”, ku do të zhvillohet ndeshja e parë e xhiros së 25-të, me fillim nga ora 17:00.
Poashtu, të shtunën është në program dueli tjetër në mes Bashkimit dhe Z Mobile Prishtinës që do të luhet me fillim nga ora 19:00 në palestrën ‘’Sezai Surroi’’.
AFK Borea është nikoqire e Lipjanit, takim ky që luhet në palestrën “Karagaçi” në Pejë duke filluar nga ora 14:00.
Ndërkaq të dielën me fillim nga ora 17:00 do të zhvillohet derbi tjetër i kësaj xhiroje, në mes Rahovecit dhe Trepçes, ndeshje kjo e cila pritet të sjell rivalitet të madh në parket.
Duhet theksuar se pas 24 xhirove të zhvilluara në Superligën e Kosovës është Z Mobile Prishtina që prin bindshëm me maksimum të pikëve, gjithsej 48 sosh, kurse Golden Eagle Ylli është në pozitën e dytë me 41 pikë, Rahoveci në të tretën me 39 pikë dhe Ponte Prizreni në të katërtën me 36 pikë.